مُومل جي واقعي تي سياسي ڀوتار جا ويچار

 او ڇوڪري هاڻ بس ڪر

ميوارام پرمار

تو سان ريپ ٿيو

اڇا گينگ ريپ

ظُلم ٿيو

سراسر ظُلم

ڏاڍو ڏُک ٿيو

اسان مُذمت ڪري ڇڏي

فيسبڪ,ٽوئٽر ۽ سنگت ۾

تون ڪا ايڏي سُريلي هوئين ڪونه

جو شور مچايون

اسيمبلين ۾

ايوانن ۾

احتجاجن ۾ 

ڌرڻن ۾

تنهنجي ذات

تنهنجي علائقي

تنهنجي شڪل

تنهنجي معاشي حالت

جي لحاظ ايترو گهڻي آ

تعزيت?

اڇا

اُها اليڪشن کان چار ڏينهن پهرين

ڪبي

نالو چمچي لکي ڇڏيو آ

نوٽ بُڪ ۾

بهرحال ايترو گهڻي آ

اسانکي وقت ڪٿي آ

مڇردانين, مڇر مار اسپري

ٻوڏ جي فنڊ لاء رڙيون ڪرڻيون آھن

چمچا ڇتا ڪرڻا آھن

فيسبڪي تيار ڪرڻا آھن

اڳين اليڪشن لاء مال کپي

نياڻي هاڻ وڃ بابا 

اهو معمول آ

انهي وقت رڙ ڪرين ها

مائٽ بچائن ها

پوليس ڪٿي واندي آ

اسان ڍر ئي نٿا ڏيون

منٿيلين تي ڪير ويندو?

بس بابا هاڻ گهڻي ٿيو.