قاتل سماج

قاتل سماج

ميوارام پرمار

قتل ٿئي ٿو
يا ڪو ماريو وڃي ٿو
انتقام هجي يا شوق
طاقت جو نشو
يا ڪرسي جو نشو
مقتول کي مرڻو
آ بس مرڻو ئي آھ
مري وڃڻ کانپوء
وارثن کي بس
چُپ رهڻو آھ
قاتل ڪنڊ ۾ لڪي
يا سرعام ڦري
ڪير ڪجھ نه نٿو
ڪري سگهي
هي سماج قاتل جو
سپورٽر آھ حامي آھ
هي انصاف جا دڪان
هي محافظن جا جٿا
سڀ گوڏن ڀر جهڪيل
هي چُونڊيل نمائندا سڀ
انصاف جي جنازي کي ڪُلهي ڏئي
دفن ڪري مٿي لتون ڏئي
پُوريو ويٺا آھن
دفن ڪيو ويٺا آھن
هتي قاتل لاء وڏو
سازگار ماحول آھ
هتي سياست ٿئي ٿي
لاشن تي
قاتل هلن ٿا ڪامريڊ ٿي
نمائندن جا چمچا ٿي
مست ٿي پيا
ماڻهو مارين
پنهنجو اندر ۽ اندر ٺارين
قتل ٿئي
يا ماڻھو مارجي
مقتول کي بس مرڻو آ
وارثن کي بس چُپ رهڻو آھ