عزت وڏي آ موچڙي جي

عزت وڏي آ موچڙي جي
چمچي, دلي ۽ ڪُوچڙي جي
ڀلين ڪيڏا پيو ڪم ڪرين
ڀلين ڪيڏا پيو تمغا رکين
نالو ڀلين پيو ڪٿي ڪمائين
ڀلين ڪيڏو پيو وقت لڳائين
حقيقي ڪم جو شھرت ٺلي
دلي جي داٻي تي ماٺ ڀلي آ
ڊگريون سرٽيفڪيٽ ڀلين ڪٺا ڪر
شھرت جا گُر اتي ئي ڦٽا ڪر
مارڪيٽ ۾ ناهي عزت تنهنجي
پيٽ پٺيان ٿي ذلت تنهنجي
رڳو رڳڙ ريگمال تي زور آ
دلي دلي جو اڄوڪو دور آ
روشن خيالي رک پاڻ وٽ
جلهندي نه دانائي اتي هڪ سٽ
چالن جي آ هت وٺ وٺان وٺ
بُوٽ چٽڻ وارن آ سٽ سٽان سٽ
رڳو ڪالر مٿي ڪري ٿا گهمن اهي
شلوار جهالر ڪري ٿا گهمن اهي
نوڪريون ابتيون سبتيون ساڻ کڻي
اهروڀرو هلندا ٻي پاسي پاڻ کڻي
فونن تي ٿا ڪم ڪڍائين
جتي ڪم وارا قطارن ۾ آھن
ڀلين ذليل پيو مئرٽ ٿئي
ٽنگيو بيٺو لائن ۾ رهي
دور آيو دلن جا
ويو وقت چڱن ڀلن جو
عزت وڏي آ موچڙي جي
چمچي, دلي ۽ ڪُوچڙي جي