مال ڏسي ڀٽڪڻ

ارهيندا آھيون, اٽڪي پئون ٿا,
مال ڏسي بس, ڀٽڪي پئون ٿا,
سڌو سڀن جي, منهن تي چئون ٿا,
پئسو ڏسي بس, لٽڪي پئون ٿا,
ڳالھ ڪنداسين اجتماعي مفاد جي,
سودو ڪبو لڪي ذاتي مفاد جو,
ٿا سنگت نڀايون, سائين سرچايون,
پرين پرچايون ۽ ٿا پڻھين پرچايون,
رات جو هڪ هنڌ, ڏينهن جو ڪريون گند,
چڙھيون پوئين سيٽ, ٿئي ڪٿي ٿو پنڌ,
سماج جا سُور, ڪٿي سمهڻ ٿا ڏين,
ڪمائي جا موقعه, وري ڪٿان ملن,
گوڙ, شور, ريليون, چوڪ رستا بند,
جي ڪيو وڏيري فون, ٿيندي بڪواس بند,
ڏسي مال جو آسرو, ڀرجون ڦوڪڻي جيان ٿا,
ڏسي سائين جو ٻُوٿ, هوا نڪري وڃي ٿي,
حاضري هن جي ڀرون, مال انجو ئي کاڌو,
گاڏي, نوڪري سڀ, وڃن ته سفا واندو,
هاڻ وندر ڏسون پيا, هوائي روزي آھ,
يا ته اداڪار, يا کُلي لاٽري آھ,
بس تاڙ انهي ۾, هر وقت ٿو ڌيان رهي,
متان نه ڪو موقعو, خالي اسان گُذري,
انهي لاء ته چئون ٿا, چُپ نه رهون ٿا,
جيڪو به آيو, آقا علاوه, سچ چئون ٿا,
ارڏا آھيون اٽڪي پئون ٿا,
مال ڏسي بس ڀٽڪي پئون ٿا,

ميوارام پرمار