او مسافر

او مسافر ڪاٿي ٿو وڃين
اچ مون واري گاڏي ۾
هتي جهاز ڪرن ٿا ديون ۾
هتي ريلون لهن ٿيون پٽڙين تان
هتي بس هلي نٿي سگهي رستي تي
ٻيو اچي به ڪٿي ٿي وقت تي
جي آئي لاري ته هوندي ڀريل
مرد ٽنگيل ۽ عورتون بيٺل
متان جي ٿي تون بيمار
لاھ نڪرندئي آروپار
اچ مون وٽ ويھ پوئين سيٽ
ڪاٽن وارن جي جيڪا آھي ريت
انهي ۾ ملندئي توکي پريت
پيو ڳائيندين هر هر منهنجا گيت
پيو هڻندين تون هر هنڌ نعارا
واھ سائين تنهنجا لشڪارا
ڇڏ مسافر ڇڏ ضد کڻي
کڻ ٻنهي هٿن سان جيڪو وڻي
وڃ کڻي پنهنجو گهر ٺاھي
پاڻ کي حقدار جي پرواھ ناهي
ڪير ڪري ڪٿي يا ڪري ڪٿي
جو مري جٿي يا جهري جٿي
اچ مسافر اچ توکي ڪرايان لئه
وقت ته آھي وڏي شي
وڃي ڪر خواهشون سڀ پوريون
ڀر پئسن سان وڃي ٻوريون
ٺاھ بنگلا گاڏيون ۽ ٻنيون
۽ وٺ نت نيون ونيون

مسٽر فراڊي